Russisk militærskip skaut mot fiskebåt

Fiskebåten MS Ragnhild Kristine opplevde nyleg at eit russisk militærskip skjaut varselskot mot dei under øving, skriv Frifagbevegelse.no.

Tvillingbrørne Øystein og Torstein Orten var begge om bord i den store sjarken til Orten Fiskeriselskap på Aukra da hendinga skjedde 12. september. Båten var i norsk økonomisk sone, nord for Vardø i Barentshavet.

Mannskapet hadde sett liner då de fekk beskjed frå den russiske destroyeren om å forlate området fordi det gjekk før seg ei skyteøving.

Nordmennene svarte at det ikkje kom på tale, fordi de var midt i fiske, og at russarane måtte finne en anna plass å skyte.

– Då kjem krigsskipet mot oss i full steam. Skipet legg seg 200 meter frå oss med breisida til. Det er lett truande kan du seie. Dei skrur på tyfon-tåkeluren i rundt 15 sekund for få merksemda vår. Så skyt han med ein kanon ein eller anna plass i sjøen. Det smell kraftig i skroget vårt og ristar, fortel Øystein Orten til nettavisa.

Båten blei ikkje treft direkte, og Orten trur det blei brukt ein sokalla «kald» granat, som hamna i vatnet. Etter skyteepisoden blei fiskebåten samde om å gå vestover – under «frivillig tvang», som Orten kallar det.

Det russiske krigsskipet var ein del av «Ocean 24», som skal vere den største øvinga i sitt slag på 30 år.