(NPK-NTB): Ein brann på kjøpesenteret Amfi Moa i Ålesund er sløkt, men det er store røyk- og vass-skadar på bygget.
Brannen var sløkt klokka 1.55, skriv politiet i Møre og Romsdal på Twitter. Årsaka til brannen er enno ikkje kjend, og politiet vil gjennomføre taktiske og tekniske undersøkingar på staden.
– Ein person som var på jobb i bygget, tok seg ut på eiga hand, sa operasjonsleiar Tor-Andre Gram Frank til NTB ved 1.30-tida.
Brannvesenet rykte ut til brannen med store ressursar og hadde totalt mannskap frå fire brannstasjonar på plass som bidrog til sløkkinga.
(©NPK)
Publisert: 24.04.2023 08:25
Sist oppdatert: 24.04.2023 08:31
