Spår kollaps i hyttemarknaden

Straumprisane gjer at Noregs Hytteforbund trur fritidsbustadsmarknaden kan kollapse i 2023.

Det er venta full brems og tilbakegang i den ordinære bustadmarknaden, ifølgje prognosar frå Eiendom Norge. Samtidig seier styreleiaren i Noregs Hytteforbund at om straumprisane held seg på dagens nivå, blir det full stans og kollaps i hyttemarknaden, skriv NRK.

– Held det fram, så kan dei vanlege prognosane på fritidsbustader berre blir kasta. Då vil 50 prosent av hytteeigarane slutte å bruke hytta i vinter, seier styreleiar Trond Hagen til NRK.

Henning Lauridsen i Eiendom Norge trur likevel at fritidsbustadmarknaden kan unngå den store nedgangen fordi folk har is i magen.

– Det som lettare kan skje i fritidsbustadmarknaden, enn i den ordinære bustadmarknaden, er at folk vel å vente med å selje til marknaden betrar seg, seier Lauridsen til allmennkringkastaren.