Stadt Naval-avtale med Bergen Engines

Bergen Engines og Stadt Naval går saman med mål om å utvikle og levere ei heilnorsk, integrert diesel-elektrisk framdriftsløysing for framtidas marinefartøy, skriv Stadt Naval og Bergen Engines i ei pressemelding. 

Det er motorar og teknologi frå dei to selskapa som skal smelte saman i eit framdriftsystem, der alt blir produsert i Noreg og Europa. 

Pressemeldinga fortel også at framdriftssystemet blir fritt for komponentar som krev sjeldne jordartar. (Kina har ein dominerande posisjon i utvinning av sjeldne jordartar, som er viktige i mange elektronikkprodukt, red. anm.)

– Bergen Engines og Stadt Naval står med dette svært godt posisjonert i forhold til den komande flåtefornyelse i sjøforsvaret, skriv dagleg leiar Hallvard Slettevoll i Stadt Naval i ein epost til Nett No.