Børsdagen: Trur oppdrettar held fram mot straumen

Tysdag vart nok ein dag med oppgang på Oslo børs. Slik var det også for fleirparten av selskapa frå Nordvestlandet (sjå tabell under).

Statt Torsk var tysdagens vinnar av selskapa frå regionen med ei auke på 5,56 prosent til 2,09 kroner per aksje.

Før helga kunne selskapet fortelje at dei har løyve til å doble produksjonen på anlegget i Vanylvsfjorden. Måndag melde selskapet at dei hadde sikra seg finansiering for halvananna år framover.

Trur på vekstplanane

Eit anna – landbasert – oppdrettsselskap som fekk merksemd tysdag, var Salmon Evolution.

Kapitalforvaltar Audhild Asheim Aabø, i Nordea Asset Management, fortel til Finansavisen at ho meiner dagens børsverdi på 3,1 milliardar kroner ikkje speglar vekstplanane til Salmon Evolution utanfor Norge.

– Ein skal vere forsiktig med å ileggje for stor verdi på slaktevolum lang fram i tid, men dagens prisin reflekterer berre verdien av dei to første utbyggingstrinna på Indre Harøy, seier Aabø til avisa.

Mot straumen i år
Salmon Evolution har planar om fleire byggetrinn på anlegget på Indre Harøy, og har innleia joint venture-samarbeid om anlegg i Sør-Korea. I tillegg vurderer dei anlegg i USA.

Aksjekursen for selskapet har gått mot straumen samanlikna med dei fleste selskapa som driv med landbasert oppdrett, og auka kring 20 prosent sidan børsnoteringa.

Kursen tysdag gjekk opp 0,9 prosent.

Kursutvikling for selskap frå Nordvestlandet: