NPK-NTB: Klima- og miljøminister Sveinung Rotevatn skryter av at klimapolitikken til regjeringa verkar, men ein femdel av CO2-kuttet i fjor var mellombels hos Equinor.
I ei førre veke uttalte miljøminister Rotevatn at nye korrigerte tal frå Statistisk sentralbyrå (SSB) viser at utsleppa i Noreg gjekk ned 3,4 prosent i fjor, og at utsleppa på 50,3 millionar tonn i fjor er dei lågaste utsleppa i landet sidan 1993. Rotevatn tilskreiv dette klimapolitikken til regjeringa.
Klassekampen skriv onsdag at ein stor del av nedgangen i 2019 er på grunn av eit mellombels vedlikehald på raffineriet på Mongstad, som derfor er stengt ned av Equinor.
«Stansen av krakkeranlegget utgjorde en reduksjon på ca. 330.000 tonn CO2 sammenlignet med normal produksjon fra dette anlegget», bekreftar talsperson for prosessering i Equinor Eskil Eriksen, som også bekreftar at utsleppa vil gå opp når anlegget opnar.
Mengda tilsvarer 19 prosent av det samla norske utsleppskuttet i fjor. Rotevatn seier det er normalt med driftsstans på ulike anlegg frå år til år.
– Det er heilt normalt. Sånn sett er ikkje den enkelte utsleppskjelda så interessant. Det interessante er summen, og summen er ein betydeleg nedgang i klimagassutslepp, seier Rotevatn.
Både SVs stortingsrepresentant Lars Haltbrekken og Miljøpartiet Dei Grønes leiar Une Bastholm reagerer på Rotevatns gladnyheit. Dei er ikkje samde med Rotevatn og seier kutta i realiteten ikkje er reelle og varige utsleppskutt.
I ei førre veke uttalte miljøminister Rotevatn at nye korrigerte tal frå Statistisk sentralbyrå (SSB) viser at utsleppa i Noreg gjekk ned 3,4 prosent i fjor, og at utsleppa på 50,3 millionar tonn i fjor er dei lågaste utsleppa i landet sidan 1993. Rotevatn tilskreiv dette klimapolitikken til regjeringa.
Klassekampen skriv onsdag at ein stor del av nedgangen i 2019 er på grunn av eit mellombels vedlikehald på raffineriet på Mongstad, som derfor er stengt ned av Equinor.
«Stansen av krakkeranlegget utgjorde en reduksjon på ca. 330.000 tonn CO2 sammenlignet med normal produksjon fra dette anlegget», bekreftar talsperson for prosessering i Equinor Eskil Eriksen, som også bekreftar at utsleppa vil gå opp når anlegget opnar.
Mengda tilsvarer 19 prosent av det samla norske utsleppskuttet i fjor. Rotevatn seier det er normalt med driftsstans på ulike anlegg frå år til år.
– Det er heilt normalt. Sånn sett er ikkje den enkelte utsleppskjelda så interessant. Det interessante er summen, og summen er ein betydeleg nedgang i klimagassutslepp, seier Rotevatn.
Både SVs stortingsrepresentant Lars Haltbrekken og Miljøpartiet Dei Grønes leiar Une Bastholm reagerer på Rotevatns gladnyheit. Dei er ikkje samde med Rotevatn og seier kutta i realiteten ikkje er reelle og varige utsleppskutt.
Publisert: 24.06.2020 08:22
Sist oppdatert: 10.02.2021 15:26
