(NPK): Ei regjeringsbestilt utgreiing foreslår å samlokalisere marine forskingsmiljø i Bergen.
– Blir dette følgt opp kan Noreg få Europas sterkaste klynge for marin forsking, utdanning og innovasjon, seier rektor ved Universitetet i Bergen, Dag Rune Olsen i ei pressemelding.
I fjor haust varsla regjeringa gjennom Masterplan for marin forsking at dei starta arbeidet med konseptvalutgreiing (KVU) for å samle det marine forskingsmiljøet i Bergen. Utgreiinga, i regi av Statsbygg og på oppdrag frå Nærings- og fiskeridepartementet, er no klar og utvalet foreslår ei massiv satsing på marin samlokalisering i Bergen.
Planen er å samle marin forsking, utdanning og utvikling ved NILES (Nasjonalt institutt for ernærings- og sjømatforsking), Havforskingsinstituttet (HI), Fiskeridirektoratet og Universitetet i Bergen i tillegg til lokalt næringsliv. Utvalet har vurdert ulike alternativ, men har rangert samlokalisering og nybygg for HI, NILES og Fiskeridirektoratet på topp.
– Bergen har 1.000 studentar og 1.000 forskarar innan marine fag. Dei tre store marine forskingsinstitusjonane i Bergen vil kunne ytterlegare styrkje posisjonen byen har som verdsleiande ved ei samlokalisering med UiB, seier Olsen.
– Over halvparten av Noregs forsking på hav, fisk og kyst skjer på Vestlandet. Rapporten understrekar at utdanningar som blir kopla tett på klynger, gir den enkelte student svært gode rammer for fagleg utvikling. Er klynga verdsleiande, kan utdanninga bli verdsleiande så framt universiteta og høgskulane utnyttar moglegheita, seier rektor Dag Rune Olsen.
– Blir dette følgt opp kan Noreg få Europas sterkaste klynge for marin forsking, utdanning og innovasjon, seier rektor ved Universitetet i Bergen, Dag Rune Olsen i ei pressemelding.
I fjor haust varsla regjeringa gjennom Masterplan for marin forsking at dei starta arbeidet med konseptvalutgreiing (KVU) for å samle det marine forskingsmiljøet i Bergen. Utgreiinga, i regi av Statsbygg og på oppdrag frå Nærings- og fiskeridepartementet, er no klar og utvalet foreslår ei massiv satsing på marin samlokalisering i Bergen.
Planen er å samle marin forsking, utdanning og utvikling ved NILES (Nasjonalt institutt for ernærings- og sjømatforsking), Havforskingsinstituttet (HI), Fiskeridirektoratet og Universitetet i Bergen i tillegg til lokalt næringsliv. Utvalet har vurdert ulike alternativ, men har rangert samlokalisering og nybygg for HI, NILES og Fiskeridirektoratet på topp.
– Bergen har 1.000 studentar og 1.000 forskarar innan marine fag. Dei tre store marine forskingsinstitusjonane i Bergen vil kunne ytterlegare styrkje posisjonen byen har som verdsleiande ved ei samlokalisering med UiB, seier Olsen.
– Over halvparten av Noregs forsking på hav, fisk og kyst skjer på Vestlandet. Rapporten understrekar at utdanningar som blir kopla tett på klynger, gir den enkelte student svært gode rammer for fagleg utvikling. Er klynga verdsleiande, kan utdanninga bli verdsleiande så framt universiteta og høgskulane utnyttar moglegheita, seier rektor Dag Rune Olsen.
Publisert: 03.01.2017 14:59
Sist oppdatert: 10.02.2021 15:43
