Ønskjer tryggare båtturisme

Sjøfartsdirektoratet opplever at aktørar båtbransjen ikkje rettar seg etter visse forskrifter. No vil dei føre meir tilsyn.

– Vi kjem til å vere synlege i månadene som kjem. Vi forventar at aktørane tek omsyn til gjeldande krav, og oppmodar sjølvsagt alle til å setje seg godt inn i det som gjeld. Målet vårt er at passasjerane får ei fin og sikker oppleving, seier avdelingsdirektør for Operativt tilsyn i Sjøfartsdirektoratet Alf Tore Sørheim, i ei pressemelding.

Sjøfartsdirektoratet intensiverer no tilsynsaktiviteten i 2023.

Den aktuelle forskrifta skal sørgje for at båtturar blir tryggare for turistar og gjeld for fartøy under 24 meter, som fører tolv eller færre personar.

– Den er laga for å hindre tragiske ulykker. Alle som skal ta med seg folk ut i båt, må setje seg godt inn i kva krav som gjeld, seier Sørheim.

Regelverket stilar krav til konstruksjon og utrusting av båten, og dessutan kvalifikasjonskrav av føraren. Både reiarlag og førar skal følgje krava til tryggingsorientering, bemanning, utstyr, radiokommunikasjon og redningsmidlar.

– Vi har dessverre sett enkelte tilfelle der operatørar prøver å unngå regelverket ved å definere om seg frå førar, til guide eller instruktør. Her er likevel lova klar. Regelverket skal følgjast også når utleigaren, eller ein som representerer utleigaren, er med ut i båten, understrekar Sørheim.

Forskrifta gjeld båttaxi så vel som kvalsafari, sightseeing og RIB-båtturar.