500 millionar til Salmon Evolution

Det børsnoterte oppdrettselskapet Salmon Evolution henta inn 500 millionar kroner i ny eigenkapital til kurs seks kroner aksjen.

Les børsmelding her

Kapitalinnhentinga starta etter at børsen stengte i går, og resultatet vart kunngjort like før klokka to i dag, natt til torsdag 11. mars.

I neste omgang får dei som var aksjonærar før kapitalutviding, men ikkje fekk vere med i denne omgang, høve til å vere med på ei eiga kapitalutviding, der dei kan gå inn med 49,9 millionar kroner til kurs seks kroner aksjen.

Les børsmelding her

Bygge anlegg
Pengane frå kapitalutvidinga skal brukast til å fullfinansiere bygginga av første byggetrinn av selskapet sitt landbaserte oppdrettsanlegg ved Indre Harøy i Romsdal og til etableringa av eit landbasert oppdrettsanlegg i Korea, der Salmon Evolution skal vere medeigar.

Eit anna mål med kapitalutvidinga var å få inn fleire eigarar slik at Salmon Evolution kvalifiserer til å bli flytta over på hovudlista på Oslo Børs.

Nordvestlands-eigarar er med
Fleire investorar på Nordvestlandet som var store medeigarar før kapitalutvidinga var med på kapitalutvidinga går kveld og i natt; Ronja Capital (Roger, Anja og Robin Halsebakk), Rofisk (Odd Einar Sandøy), Frode Håkon Kjølås og Peder Stette.

Salmon Evolution er i gang med bygginga av første byggetrinn av selskapet sitt landbaserte oppdrettsanlegg ved Indre Harøy i Romsdal og har nettopp inngått ein avtale om å vere medeigare i eit komande landbasert oppdrettsanlegg i Korea.

Aksjekursen i Salmon Evolution var 6,895 kroner då børsen stengte i går, onsdag 10. mars. Den kursen verdset selskapet til 1,5 milliardar kroner.

Ved børsnotering i september i fjor var kursen 7,50 kroner per aksje. Den førebelse toppen for aksjekursen kom 12. januar i år, med 7,555 kroner per aksje.