Atlanterhavsparken blant verdas beste akvarium

Sidan opninga i 1998 har Atlanterhavsparken vore det største og  mest unike saltvassakvariet i Nord-Europa, skriv forretningsmagasinet Forbes.

Her kan du sjå alle fiskeslag som lever i kalde farvatn i Atlanterhavet, skriv Forbes, som også kallar landskapet rundt eitt av dei mest sjåverdig i det norske fjordlandskapet og rår alle til å ta trappene opp til Fjellstua etter akvariebesøket.

Lista omfattar akvarium i Europa, USA, Asia og Asia., blant dei verdast største akvarium, L’Oceanogràfic Valencia, i  Spania og akvariet i København.

Sterk vekst
– Kry over alt vi får til i lag, skriv dagleg leiar Kjetil Aarseth i Atlanterhavparken på Linkedin etter Forbes-kåringa. Han trur Forbes-omtalen vil slå positiv ut både hos dei tilsette, i høve til internasjonale gjestar  og også i lokalmarknaden ved at folk som ikkje har besøkt anlegget på ei stund no tek turen.

I fjor passerte Akvariet i Ålesund akvariet i Bergen i salsinntekt, etter fleire år med sterk vekst. 

I fjor mangla det omlag 400 besøkande før Atlanterhavsparken passerte 200.000 besøkande. I år reknar selskapet med at 200.000-grensa blir passert for først gang.

– Vi ligg føre fjoråret på alle område, seier Aarseth om utviklinga så langt i 2025.

Vil utvide
På skisseblokka av Atlanterhavsparken plane om utvidingar for å gi betre plass til tilsette og besøkande, medrekna nye attraksjonar og rom for å kunne arrangere mindre konferansar.

– Vi må byrje å ta høgde for suksess, seier Aarseth.