Ekornes med auka pris, mindre volum

Samanlikna med tredje kvartal 2024 auka Ekornes-konsernet inntektene med ein prosent i tredje kvartal i år. Stressless-stolar og -sofaer sto for 74 prosent av dei totale inntektene, og hadde ein inntektsauke på to prosent.

Hittil i år er inntekstveksten for konsernet fire prosent. 

Les børsmelding her

Uvisse om USA-marknad
USA er den største einskildmarkanden for Ekornes-konsernet og sto for 37 prosent av inntektene i 3. kvartal.

Det gjer at Ekornes er eitt av selskapa på Nordvestlandet som er mest utsett for konsekvensen av USA sin nye handelspolitikk, med høgare tollmurar.

Det har skapt - og skaper - uvisse, skriv selskapet i kvartalsrapporten. Situasjonen har gått ut over salet: 

"Utsiktene for Nord-Amerika har svekka seg etter at den amerikanske administrasjonen innførte auka tollavgifter for møbelimportørar, som trådde i kraft 14. oktober. Med raske endringar i rammevilkåra aukar usikkerheita, noko som påverkar tilliten blant forhandlarane. Ekornes vurderer mogelege tiltak, inkludert optimalisering av forsyningskjeda og utnytting av tilgjengeleg operasjonell fleksibilitet i Nord-Amerika innan produksjon, montering og lagerstruktur. Langsiktige initiativ for å endre den operasjonelle strukturen vil derimot ta tid å gjennomføre, og krev meir klarheit rundt rammevilkåra før dei kan setjast i verk.", skriv Ekornes-konsernet i kvartalsrapporten.