Aukar staben på Stranda Hotel

Lyset gjekk 12. mars i fjor, med regjeringa sin kraftige smittervernrestriksjonar på mellom anna reiser og møte. Dagen etter stengte Stranda Hotel-sjef Ina Eldøy dørene og heldt stengt til slutten av juni.

Godt besøk i juli og i september 2020 - takka vere mannskap som produserte ein ny Mission Impossible-film - gjorde sommar og tidleg haust til ein god periode, men resten av året blei magert, med avlyste bestillingar og liten aktivitet.

Betre lønsemd
Trass det store inntektsfallet, betre Stranda Hotel lønsemda i fjor (sjå tabell) til det beste resultatet under dagens eigarar.

I år har det vore meir utfordrande å regulere kostnadane i takt med aktiviteten. Grunnen er hyppige endringar i reglar og tilrådingar om smitteverntiltak, der hotellet har halde ope og vore bemanna - men dei venta besøka og inntektene svikta.

Eldøy seier hotellet har hatt ein god sommarsesong og start på hausten, mellom anna med auke i forretningreisande. Mot slutten av året ventar ho auka aktivitet frå møte og arrangement, mellom anna julebord, og at inntekt og resultat endar omlag for i 2020.

Nye eigarar
Strandarane Frode Håkon Kjølås og Kjetil Helge Nordang kjøpte Stranda Hotel frå Ålesund-arkitekt Odd Slyngstad hotellet ved årskiftet 2013/2014. Med på eigarsida er også Norsk Sjømateigarane Per Magne Grøndahl og Bjarte Tunold.

Då selskapet blei kjøpt hadde hotellet fleire år med tap bak seg, og sjølv om inntektene har vore stigande kvart år, fram til koronaåret i fjor, har selskapet gått med underskot.

Eigarane eig også Strandafjellet Skisenter, og har pussa opp hotellet mellom anna som ein del av satsinga på å utvikle Stranda som skidestinasjon og turistmål.