Avtale sikrar Brødrene Aa-drift

Etter at ferje- og hurtigbåtreiarlaget Norled 2. april varsla at det ville kansellere kontrakten om bygging av ein hurtigbåt som skulle trafikkerer strekninga Kristiansund-Trondheim har Brødrene Aa i Hyen arbeidd for å unngå permitteringar og for å sikre vidare drift.

I dag er ei mellombels løysing på plass, skriv Brødrene Aa i ei pressemelding:
"Brødrene Aa har lukkast med å inngå ei mellombels finansiell avtale med Fjord1, Rødne og Sparebank1 Sogn og Fjordane som sikrar vidare drift ved anlegga i Hyen og Eikefjord fram til 9. mai. Avtalen gir nødvendig pusterom og moglegheit til å arbeide vidare med å finne ei langsiktig løysing for selskapet. Som følgje av avtalen vert dei varsla permitteringane i fyrste omgang utsett til ut april. Vi er glade for at vi i denne krevjande situasjonen har fått på plass ei løysing som gjer at produksjonen kan halde fram og at dei tilsette kan kome på arbeid igjen etter påske."