Børsdagen: Stort minus, spår opptur

September i år blei den første månaden der Havila Kystruten hadde alle fire skip i drift, etter ei lang og vond rekke med forseinkinga og fordyringar..

Opphavleg skulle alle dei fire skipa vere i drift frå 2021, og trafikkere gods- og passasjeruta mellom Bergen og Kirkenes saman med konkurrenten Hurtigruten.

Trass i full drift i berre ein månad i tredje kvartal fekk selskapet ein beleggsprosent på 70 prosent i 3.kvartal samla sett. Gjennomsnittsleg vart lugarane utleigd for 4466 kroner, skriv selskapet i kvartalsrapporten per 3. kvartal 2023.

Les børsmelding her

Ingen ekstraordinære kostnadar
Neste år reknar selskapet med å ha eitt gjennomsnittsbelegg på 80 prosent, og "normalisert drift av fire skip fremover, uten ekstraordinære kostnader", ifølgje kvartalsrapporten. 45 prosent av belegget neste år er i all hovudsak allereie seld, ifølgje selskapet.

I tredje kvartal gjekk Havila Kystruten med nesten 300 millionar kroner i underskot før skatt, og hittil i år har underskotet passert 600 millionar kroner. (Sjå tabell under)

Ifølgje selskapet er "driftskostnadene påvirket av ekstraordinære kostnader knyttet til juridiske og finansielle rådgivere" i samband med refinansieringa for å fri seg frå banda til russiske långivarar. Kor store desse kostnadane er ikkje talfesta.

Havila Kystruten hadde netto finanskostnadar på 382 millionar kroner i årets ni første månadar.

Kursfall
Selskapet la fram kvartalsrapporten sin etter at børshandelen var over for i dag. Ved børsslutt var aksjekursen 0,86 kroner aksjen, ned 2,48 prosent frå dagen før. Dagens kurs verdset Havila Kystruten til 740 millionar kroner.

Havila Kystruten vart børsnotert i august 2021 og nådde toppnotering på 25 kroner aksjen like etter.

Havila Holding eig 59,69 prosent av aksjane i Havila Kystruten.

Havila Holding eig 33,34 prosent i Bakkar og Berg Media, som gir ut NETT NO.