![Oslo børs](/imager/images/319826/oslo-børs_859d8f71e51cdcc79197ecd3648d156c.webp)
Eqva-opptur
Eit selskap som snart tek farvel med Nordvestlandet blei dagens vinnar på børsen.
Eqva - tidlegare Havyard Group - har stige 40 prosent sidan starten av november.
7. november i år var aksjekursen i Eqva 2,47 kroner. I dag var kursen 3,47 kroner, etter ein oppgang på 5,15 prosent. Bortsett frå ei kort periode i februar/mars er det den høgaste kursen så langt i år.
Eqva har gjort fleire endringar i løpet av andre halvår, som aksjekursutviklinga tyder på har falle i smak hos investorane.
Mellom anna er verftet Havyard Leirvik ved Sognefjorden seld til Tersan Shipyard og eit nytt større oppkjøp, av LOS Gruppa i Sunnhordland annonsert. Det siste vil inngå i ein transakasjon der Eqva skil ut og børsnoterer eit datterselskap innan 12-18 månadar. Og hovudkontoret skal flyttast frå Fosnavåg til Kvinnherad, med både aksjonærane og storparten av verksemda til selskapet i nærleiken.
Selskapet er store på levering av tekniske installasjonar, elektro og automasjonstenester og byggjer og driv småkraftverk gjennom Fossberg Kraft.
Børsnoterte selskap på Nordvestlandet | ||
Selskap | Kurs i kroner | %-endring i dag |
Eqva (tidl. Havyard Group) | 3,47 | 5,15 % |
Norva 24 Group* | 23,25 | 3,56 % |
Hav Group | 9,80 | 3,16 % |
Atlantic Sapphire | 1,39 | 2,96 % |
Statt Torsk | 0,80 | 2,31 % |
Salmon Evolution | 6,28 | 2,28 % |
Hexagon Composites | 25,40 | 1,28 % |
Hofseth Biocare | 2,70 | 0,00 % |
Arctic Bioscience | 9,00 | 0,00 % |
Hexagon Purus | 9,34 | -0,32 % |
Havila Shipping | 5,11 | -0,78 % |
Sparebanken Møre | 78,10 | -0,89 % |
Endúr | 39,00 | -1,02 % |
Havila Kystruten | 0,85 | -1,40 % |
Golden Energy Offshore Services | 1,15 | -2,38 % |
* Kurs i SEK | ||
Publisert: 12.12.2023 17:07
Sist oppdatert: 12.12.2023 17:09