Børsdagen: Norwegian får ja

– Det har vore nødvendig å gjere ei grundig vurdering av oppkjøpet. Vi har no konkludert med at dette oppkjøpet ikkje i betydeleg grad vil hindre effektiv konkurranse i den norske marknaden for luftfart. Difor kan oppkjøpet no gjennomførast, seier konkurransedirektør Tina Søreide i ei pressemelding.

Konkurransetilsynet varsla 17. november at det kunne kome til å seie nei til at Norwegian får kjøpe Widerøe.

Tilsynet var bekymra for at oppkjøpet kunne svekke konkurransen i marknaden i betydeleg grad. Etter partane sitt tilsvar har tilsynet gjort ytterlegare analysar og vurderingar. Tilsynet har no kome til at det ikkje er tilstrekkeleg grunnlag for å stanse oppkjøpet.

Widerøe er eigd av selskapa Flyco (66 prosent) og Fjord1 (34 prosent).

I samband med det komande salet av ferjereiarlaget Fjord1 til eit utanlandsk investeringsselskap blir Fjord 1 sine aksjar i Fjords Tours, The Fjords og Widerøe, ikkje med i salet. Dei blir i staden liggande att hos eksisterande eigarar. Før salet er eig Havila Holding sitt selskap Havilafjord omlag 50 prosent i Fjord1.