Bilsalet kryp oppover for Nordfjordforhandlar

Etter ei fall i inntektene frå toppåret 2021 har Toyota Nordfjord og Førde auka inntektene litt dei to siste åra. 

Bilforhandlarane har butikk og hovudkontor ved Måløy og og også ein butikk i Stryn og ein i Førde. Til saman sysselsette selskapet 51 årsverk i butikk og på verkstad i fjor. Eigarane er dagleg leiar Ørjan Solvang og Frode og Rune Solvang, gjennom selskapet Allbil. 

Selskapet brukar å vere blant dei mest lønsame bilforhandlarane på Nordvestlandet. Fjorårets resultat før skatt tilsvarar 4,1 prosent av driftsinntekta, som er rekna som realtivt bra for bransjen.

Få resultat
Førebels er berre eit fåtal bilforhandlarar klare med 2024-rekneskapen.

Bruktbilforhandlar Sykkylven bil auka salet i fjor, i hovudsak takka vere høgare gjennomsnittspris per bil som vart seld. 

Ford og Nissan-forhandlar Ørsta Bil hadde inntekter i fjor på line med 2023.

Oppsving
I 2024 fall nybilsalet på Sunnmøre meir enn landsgjennomsnittet. 

I starten av 2025 var det omvendt, då var etterspørselen etter nye bilar større på Sunnmøre enn landsgjennomsnittet.