Brødrene Aa med årets skip

- Rederiet har gjort en dristig satsing. Sammen med verftet Brødrene Aa har de skapt et unikt skip som gir turistene mulighet til å oppleve de norske fjordene uten støy og eksos, og med minimal belastning på lokalmiljøet og klimaet, sier Bellona-leiar Frederic Hauge i ei pressemelding etter prisutdelinga.
Det er statsekretær Dilek Ayhan i Næringsdepartementet, som delte ut prisen under shippingmessa SMM i Hamburg i dag.
Det er lesarane av magasinet Skipsrevyen som har kåra turistskatamaranen "Vision of the Fjords" til årets skip.

Karbonfiber

"Vision of The Fjords" vart sett i trafikk på Nærøyfjorden i Sogn i juli i år. Fartyet er bygd i karbonfiber.
Fartyet er 40 meter lang og 15 meter breitt. Passasjerane kan bevege seg overalt på utsida av seightseeingbåten og innvendig er det panoramautsikt med 400 seter.
- Dette er eit av dei mest spennende fartøya vi har konstruert, både estetetisk og teknologisk, sa Anstein As hos Brødrene Aa då kontrakten var i boks.

Sakte fart

Medan Brødrene Aa sine båtar er bygde for fart, skal "Vision of The Fjords gli sakte i fjorden, som ein stille og stor utkikksplattform for turistane.
Batteria blir lada ved kai, men fartyet er også utstyrt med dieselmotorar som eit tillegg til den elektriske framdrifta.