Brim-båt til Brødrene Aa

Dei to første sightseeingsbåtane til Brim Explorer vart bygd av Maritime Partner i Breivika i Ålesund.

Nummer tre skal byggast av Brødrene Aa i Hyen, og blir bygd med karbonfiberskrog - som er Brødrene Aa sin spesialitet.

Båten skal vere klar for turisttrafikk i Oslofjorden til sommaren 2022 og skal kunne gå berre på batteri. Dei to første, som blei bygd for å operere i Nord-Noreg kombinerte batteri-. og dieseldrift.

– Vi vel å byggje båtane våre i Noreg fordi den norske maritimklynga er i verdsklasse på utvikling og bygging av lav- og nullutsleppsfartøy. Brødrene Aa utmerkar seg som eit verft med høg innovasjonsevne og kompetanse til å levere neste generasjon Brim-båtar, seier dagleg leiar i Brim Explorer, Agnes Árnadóttir, i ei pressemelding.