Busskontrakt for Hexagon Purus

Kontrakten med den europeiske bussprodusenten Solaris er på 6,4 millionar euro, omlag 75 millionar kroner.

Hexagon Purus skal levere tankar og system for bruk av hydrogen som energiberar i bussar som Solaris skal levere til bruk i Bologna i Italia.

Solaris har vore kunde hos Hexagon Purus i fleire år og har kjøpt hydrogentankar og -system til i alt nesten 200 bussar som brukar hydrogen som energiberar.

Les børsmelding

Stor vekst, tresifra minus
Hexagon Purus legg fram rekneskapen for 3. kvartal tysdag 7. november.

I første halvår i år hadde selskapet 574 millionar kroner i driftsinntekt og minus 305 millionar kroner i resultat før skatt. Tilsvarande tal for 1. halvår 2022 var 369 millionar i driftsinntekt og minus 243 millionar kroner i resultat før skatt.

Skilt ut
Hexagon Purus var tidlegare ein del av Hexagon Composites, før det blei skilt ut og børsnotert som eit eige selskap.

Hexagon Composites - med Flakk-familien som stor aksjonær - lagar tankar og system for bruk av natur- og biogass som energikjelde. Hexagon Purus lagar tilsvarande for hydrogen, men har også satsa på batteri- og løysingar system for bruk av batteri som energikjelde.

Begge selskapa har hovudkontoradresse i Ålesund.