Hexagon Composites under 50 prosent

Etter at Hexagon Composites bestemte seg for å dele ut mange av aksjane eigde i Hexagon Purus som utbytte til aksjonærane sine er eigarandelen redusert frå 68,39 prosent til omlag 43 prosent.

Hexagon Composites er framleis største eigar i Hexagon Purus, men er ikkje lenger eigar av over to tredjepartar av aksjane og heller ikkje eigar av 50 prosent.

Transaksjonen er gjort som ein del av planen for å få Hexagon Purus flytta frå marknadsplassen Euronext Growth og over til hovudlista på børsen, der krav til tal på aksjonærar er strengare. Selskapet vart flytta over på hovudlista i mars, men endringa i eigarskapet vart først gjort i juli.

Les børsmelding her

Hexagon Purus var tidlegare ein del av Hexagon Composites, før det blei skilt ut og børsnotert som eit eige selskap.

Hexagon Composites - med Flakk-famlien som stor aksjonær - lagar tankar og system for bruk av natur- og biogass som energikjelde. Hexagon Purus lagar tilsvarande for hydrogen, men har også satsa på batteri- og løysingar system for bruk av batteri som energikjelde.

Begge selskapa har hovudkontoradresse i Ålesund.

Vekst og underskot
Hexagon Purus er framleis i ein vekstfase, skriv selskapet i delårsrapporten som er offentleggjort i dag.

Veksten i driftsinntekter er opp 55 prosent i første halvår, samanlikna med 1. halvår 2022. Underskotet før skatt auka 25 prosent i same periode, til 305 millionar kroner i 1. halvår 2023.