Børsdagen: For varmt for Atlantic Sapphire

Aksjekursen i Atlantic Sapphire fall fra 6,04 til fem kroner straks børsen opna i dag. Då børsen stengt i ettermiddag var kursen 4,955 kroner, ned 15,63 prosent sidan børsen stengte handelen i går ettermiddag.

Årsaka til kursfallet er børsmeldinga Atlantic Sapphire sende ut før børsen opna i dag.

Selskapet har hovudkontoradresse på Vestnes, men driv landbaserte lakseoppdrett ved Miami i Florida i USA.

Der må vatnet kjølast ned for at laksen skal trivast, og i følgje børsmelding har vatnet i anlegget ikkje vore kaldt nok. Konsekvensen er at laksen ikkje har vekse som planlagt. Det er med andre ord færre kilo laks i anlegget enn venta, ifølgje børsmeldinga.

No blir kjølekapasiteten utvida, og kjøleproblema vil vere løyst i løpet av tredje kvartal i år, ventar selskapet.

Dårleg nytt på nytt
Eitt av problema for Atlantic Sapphire i høve til investorane er at dette ikkje er første gang selskapet kjem med uventa og dårleg nytt.

I fjor haust måtte selskapet framskunde slaktinga på grunn av høg dødlegheit og i mars 2021 melde selskapet om auka dødlegheit på grunn av tekniske feil på anlegget.

Også Statt Torsk-kursen fall mykje, det andre større kursfallet på to dagar. Selskapet har leigd inn hjelp for å vurdere korleis selskapet skal drive vidare, ein prosess som kan ende med både kapitalutviding, samanslåing eller sal.

Artikkelen er oppdatert etter at børsen stenger i dag, mellom anna med oversikt over børsutviklinga for selskap på Nordvestlandet.