Børsdagen: God veke tross kursfall
Med 1,3 milliardar i friske pengar, toler du eit aksjetap.
Sjå børstabell for Nordvestlandet under saka
Hexagon Purus og Hexagon Composites hadde alt i alt ei god veke. Førstnemnte prega børsveka ved å hente inn 1,3 milliardar kroner i ein emisjon og konvertible obligasjonar, samtidig som dei melde om ein mogleg avtale til ein verdi av 20 milliardar.
Sjølv om Hexagon Purus-aksjen fall tung etter nyheita, og ein nedgang i løpet av veka på meir enn seks prosent, enda aksjekursen over emisjonskursen på 27 kroner.
Sluttkursen fredag på 29,88 kroner per aksje, verdset selskapet til 7,72 milliardar kroner – kring 780 millionar lågare enn då kapitalinnhentinga vart annonsert.
Hexagon Composites kan også sjå tilbake på ein oppgang på drygt ti prosent siste veka. Trass koplinga til Purus-selskapet, smitta ikkje nedgangen der over til Composites-aksjen, og ein kurs på 39,48 er det høgaste sidan hausten 2021.
Nortel var dagens tapar mellom dei børsnoterte selskapa frå Nordvestlandet med ein nedgang på meir enn 12 prosent på lågt volum.
Hovudindeksen på Oslo børs hadde ein ny dag med oppgang på 0,44 prosent til 1.255,92.
Børstabell for Nordvestlandet:
| Selskap | Kurs i kroner | %-endring i dag | |
| Hexagon Purus | 29,88 | 3,53 % | |
| Havila Shipping | 18,48 | 3,47 % | | |
| Statt Torsk | 1,5 | 2,74 % | |
| Hexagon Composites | 39,48 | 2,39 % | |
| Arctic Bioscience | 14,75 | 2,08 % | |
| Golden Energy Offshore Services | 1,515 | 2,02 % | |
| Norva24 Group * | 31,1 | 0,89 % | |
| Eqva (tidl. Havyard Group) | 3,5 | 0,57 % | |
| Sparebanken Møre | 88 | 0,36 % | |
| Havila Kystruten | 10 | 0,20 % | |
| Hav Group | 11,2 | 0,18 % | |
| Salmon Evolution | 8,38 | 0,00 % | |
| Endúr | 38,6 | -0,22 % | |
| Atlantic Sapphire | 6,755 | -1,75 % | |
| Hofseth Biocare | 2,95 | -2,64 % | |
| Nortel | 24,2 | -12,32 % | |
| *I svenske kroner - selskapet er registert på Stockholms-børsen. | |||
Publisert: 03.03.2023 17:37
Sist oppdatert: 03.03.2023 18:08