Sjå børstabell for Nordvestlandet under saka
Havila Shipping la onsdag ettermiddag fram tal for tredje kvartal som viste driftsinntekter på nivå med fjorårets periode. Reiarlaget har samtidig styrka lønnsemda, viser tala i børsmeldinga.
Driftsinntektene per tredje kvartal hamna på drygt 504 millionar, og resultatet før skatt på 36,5 millionar (sjå tabell under).
| Havila Shipping ASA | ||
| 3. kvartal i mill. kroner | 2025 | 2024 |
| Driftsinntekt | 156,7 | 150,2 |
| Driftsresultat | 22,5 | 32 |
| Resultat før skatt | 8,9 | 3,6 |
| Havila Shipping ASA | ||
| Per 3. kvartal i mill. kroner | 2025 | 2024 |
| Driftsinntekt | 504,2 | 429,2 |
| Driftsresultat | 132,2 | 238,9 |
| Resultat før skatt | 36,5 | 7,7 |
Aksjekursen til reiarlaget har svinga mellom 1,2 og 1,7 kroner i år. Kvartalsrapporten blei slept ein times tid før børsen stengte onsdag.
Sluttkursen vart 1,25 kroner – ein oppgang på 2,89 prosent i løpet av dagen. Det er drygt 26 prosent under nivået ved starten av året.
Tidlegare i år blei det kjent at tre bankar meiner reiarlaget har brote restruktureringsavtalen. Havila-reiarlaget svara med å saksøke bankane og nyleg møttest partane i retten.
Det er venta at dom i saka kjem i løpet av få veker.
Havila Shipping har base i Herøy og driv 14 fartøy, seks av dei for andre eigarar. Flåteutnyttinga i tredje kvartal var på 95,3 prosent.
Reiarlaget hadde 407 sjøfolk i arbeid på skipa og 12 årsverk i administrasjonen i kvartalet.
Hovudindeksen på Oslo børs slutta onsdagen flatt med ein nedgang på 0,12 prosent til 1583,83 poeng.
Børstabell for Nordvestlandet:
| Selskap | Kurs i kroner | %-endring i dag |
| Arctic Bioscience | kr 3,30 | -3,23 % |
| Atlantic Sapphire | kr 7,90 | 6,69 % |
| Endúr | kr 83,00 | -0,24 % |
| Golden Energy Offshore Services | kr 16,95 | -2,87 % |
| Hav Group | kr 6,42 | 2,56 % |
| Havila Kystruten | kr 62,40 | 4,00 % |
| Havila Shipping | kr 1,25 | 2,89 % |
| Hexagon Composites | kr 6,96 | 7,08 % |
| Hexagon Purus | kr 1,82 | 4,11 % |
| Hofseth Biocare | kr 1,70 | -3,41 % |
| Tinde Sparebank | kr 118,50 | -1,22 % |
| Salmon Evolution | kr 4,89 | 1,35 % |
| Sparebanken Møre | kr 102,32 | 2,05 % |
Publisert: 19.11.2025 16:50
Sist oppdatert: 19.11.2025 16:50
