Sjå børstabell for Nordvestlandet under saka
Aksjekursen til offshorereiarlaget Golden Energy Offshore Services i Ålesund fall kraftig fredag.
I løpet av dagen var kursen under 13 kroner, men enda på 13,75 kroner - og eit fall på nær 22 prosent.
Det verdset reiarlaget til 345 millionar kroner, og er det lågaste nivået selskapet har vore på sidan 2020.
Ingeniør- og industriselskapet Hav Group hadde også eit kursfall fredag. Aksjen slutta 16,52 prosent ned på 5,66 kroner. Det verdset selskapet til 198 millionar kroner, og i nærleiken av botnrekorden for året.
Begge selskapa la fram kvartalsrapportar for 3. kvartal før børsen opna i dag og toppar nett no taparlista på Oslo Børs.
For Golden Energy Offshore Services-aksjonærane er det truleg meldinga om at selskapet arbeider med tiltak for å betre likviditeten i ein svak marknad som uroar. Det betyr at selskapet bør ha påfyll av penger på eitt eller anna vis.
For Hav Group-aksjonærane er det truleg det av to av tre aktive forretningsområde går i minus, som trekkjer ned.
Børstabell for Nordvestlandet:
| Selskap | Kurs i kroner | %-endring i dag |
| Arctic Bioscience | kr 3,44 | -1,75 % |
| Atlantic Sapphire | kr 7,04 | -4,29 % |
| Endúr | kr 82,70 | -1,31 % |
| Golden Energy Offshore Services | kr 13,75 | -21,88 % |
| Hav Group | kr 5,66 | -16,52 % |
| Havila Kystruten | kr 60,00 | -3,78 % |
| Havila Shipping | kr 1,19 | -0,83 % |
| Hexagon Composites | kr 6,43 | -4,03 % |
| Hexagon Purus | kr 1,81 | 0,00 % |
| Hofseth Biocare | kr 1,60 | -5,88 % |
| Tinde Sparebank | kr 118,00 | 0,00 % |
| Salmon Evolution | kr 4,96 | -0,30 % |
| Sparebanken Møre | kr 99,43 | -1,38 % |
Publisert: 21.11.2025 14:33
Sist oppdatert: 21.11.2025 16:50
