Det er forretningsområdet "Energy Design & Smart Control", det vil seie datterselskapet Norwegian Electric Systems, som er lokomotivet i Hav Group-konsernet.
Dette forretningsområdet hadde 147,6 millionar kroner i driftsinntekt og eit resultat før skatt på 14,5 millionar kroner i tredje kvartal i år.
Det er også dette forretningsområdet som sto for mykje av ordreinngangen til konsernet i tredje kvartal, som auka frå 70 millionar kroner i tredje kvartal i fjor til 171 millionar kroner i tredje kvartal i år.
Norwegian Electric Systems leverer og tilpassar avanserte elektriske og hybride framdriftssystem til skip, frå batteripakkar og generatorar til automatiserte kraft- og navigasjonssystem.
La hydrogen på is
Hav Group er delt i fire ulike forretningsområde. Eitt av dei, satsing på system og utstyr for bruk av hydrogen som energiberar på skip, vart lagt på is tidlegare i år. Marknaden utvikla ikkje slik Hav Group hadde venta. Ved å legge hydrogensatsing på is betra konsernet resultatet.
Dei to siste forretningsområda er skipsdesign og vassbehandlingsystem for skip og oppdrett. Dei sto for høvesvis 98 og 64 millionar kroner i driftsinntekt i 3. kvartal og resultat før skatt på høvesvis minus 18,6 og minus 10,6 millionar kroner.
Kraftig fall
Hav Group-aksjen fell kraftig ved børsopning i dag. Klokka 09:40 er kursen ned 14,45 prosent til 5,80 kroner aksjen. Sidan årskiftet et kursen ned 7,64 prosent.
Havila Holding er største aksjonær, med 34,87 prosent eigarandel.
Havila Holding er medeigar i Bakkar og Berg Media, som gir ut Nett No.
| Hav Group ASA | ||
| Per 3. kvartal. I mill. kroner | 2025 | 2024 |
| Driftsinntekt | 535,0 | 455,1 |
| Driftsresultat | -7,1 | -54,8 |
| Resultat før skatt | 4,7 | -47,3 |
| Hav Group ASA | ||
| Per 3. kvartal. I mill. kroner | 2025 | 2024 |
| Driftsinntekt | 193,7 | 134,8 |
| Driftsresultat | -2,5 | -28,9 |
| Resultat før skatt | -4,2 | -19,1 |
Publisert: 21.11.2025 09:47
Sist oppdatert: 21.11.2025 14:19
