Børsdagen: Kurshopp for Hofseth etter halvårstal

Sjå børstabell for Nordvestlandet under

Fredag føremiddag var aksjekursen til Hofseth Biocare opp over 12 prosent samanlikna med sluttkursen torsdag.

Halvårs- og 2. kvartalsrapporten til selskapet fortel om ei auke i salet frå 25,8 millionar kroner i 2. kvartal 2022 til 52,9 millionar kroner i 2. kvartal 2023 (sjå tabell under).

Det er tal aktørane i aksjemarknaden sette pris på, sjølv om kursen fall tilbake på ettermiddagen og enda med ein oppgang på 5,61 prosent.

Selskapet går framleis i minus på den vanlege drifta, men underskotet krympar med aukande sal.

Les børsmelding her

Atlantic Sapphire-aksjen hadde motsett utvikling fredag med eit kursfall som tiltok utover dagen. Ved stengetid var halvparten av verdien forsvunne i løpet av dagen.

Selskapet som driv med landbasert oppdrett av laks i Florida i USA, melde torsdag kveld om tredobla tap, problem med fiskeveksten og behov for meir pengar. No ligg det an til ein større emisjon før selskapet kan gå vidare.

Atlantic Sapphire har hovudkontoradresse på Vestnes og kursutviklinga har vore katastrofal dei siste åra. Frå eit toppnivå på meir enn 140 kroner aksjen for drygt to år sidan, slutta aksjen fredag på 2,21 kroner.

Hovudindeksen på Oslo børs avslutta veka med ein opptur på 0,29 prosent til 1.231,94 poeng.

Hofseth skilde ut prostataselskap
Hofseth Biocare vidareforedlar råstoff baserte på avskjer og restråstoff frå lakseslakteri og lagar ingrediensar og ferdige produkt, både for kjæledyrfôr-marknaden, helsekostmarknaden og arbeider og med å utvikle legemiddelprodukt.

I andre kvartal skilde selskapet ut verksemda si med å utvikle eit legemiddel til bruk i behandling av prostatakreft og fekk med investorar i eit eige selskap i USA for å halde fram med utviklingsarbeidet.

Transaksjonen gjorde at Hofseth Biocare kunne bokføre ei inntekt på 23,5 millionar kroner. Det gjer at selskapet kan vise til overskot i 2. kvartal i år.

Børstabell for Nordvestlandet: