Sjå børstabell for Nordvestlandet under saka
Hav Group har sikra seg oppdrag for 600 millionar kroner i samband med dei nye ferjene Fjord1 skal sette i rute på Sognefjorden frå 2026.
Det kom fram då selskapet tidleg måndag melde om ei ny kontrakt for dotterselskapet Norwegian Electric Systems (NES).
NES skal i samarbeid med Fjord1 utvikle navigasjonsløysingane på det som blir verdas mest moderne ferjer. På sikt skal både ferje både dokke og segle autonomt, og det vil bli ei rekke nyvinningar om bord.
Investorane svara med å sende Hav Group-aksjen oppover – og selskapet er dagens vinnar på børsen frå Nordvestlandet.
Ved 15-tida var kursen opp over ti prosent – til 11.70 kroner aksjen.
Det prisar selskapet til drygt 400 millionar -og inneberer samtidig ei kursauke på meir enn 30 prosent så langt i mai månad.
Elles har det ikkje vore større endringar hos nokon av dei børsnoterte selskapa frå regionen måndag.
Hovudindeksen var gått opp med 0,61 prosent til 1432,10 ved 15-tida.
Børstabell for Nordvestlandet:
| Selskap | Kurs i kroner | %-endring i dag |
| Hav Group | kr 11,20 | 5,66 % |
| Hexagon Purus | kr 8,33 | 4,78 % |
| Hexagon Composites | kr 25,10 | 4,58 % |
| Atlantic Sapphire | kr 1,09 | 3,02 % |
| Salmon Evolution | kr 7,73 | 1,71 % |
| Sparebanken Møre | kr 85,57 | 0,73 % |
| Hofseth Biocare | kr 2,15 | 0,00 % |
| Havila Kystruten | kr 0,96 | 0,00 % |
| Arctic Bioscience | kr 10,20 | 0,00 % |
| Romsdal Sparebank | kr 110 | 0,00 % |
| Norva 24 Group* | kr 28,75 | -0,86 % |
| Endúr | kr 52,90 | -2,04 % |
| Golden Energy Offshore Services | kr 34,11 | -2,56 % |
| Havila Shipping | kr 5,11 | -3,58 % |
| * Kurs i SEK | ||
Publisert: 27.05.2024 15:26
Sist oppdatert: 27.05.2024 17:06
