Børsdagen: Rekordnotering for Nortel

På denne dataen for eitt år sidan vart aksjar i mobiltelefoniselskapet Nortel handla til 16 kroner aksjen.

Så seint som 18. januar i år var kursen 18,70 kroner. Deretter har det gått oppover.

I dag har kursen stige nesten 13 prosent samanlikna med kursen ved børsslutt i går, til 35 kroner aksjen. Det er ny rekord, og verdset Nortel til 658 millionar kroner.

For grunnleggar og dagleg leiar Christian Pritchard betyr dagens kurs at han no har Nortel-aksjar for 107 millionar kroner.

15. mars i år varsla Nortel har selskapet hatt fleire potensielle friarar på døra.

Der varsla selskapet at det ville kome ei avklaring om vegen vidare i løpet av andre kvartal. Sparebank1 Markets og AGP Advokater er leigd inn som rådgivarar.

Løfta kursen, før fall
Offshore-reiarlaget Havila Shipping sende ut børsmelding om 1. kvartalsresultatet klokka 15:04. Driftsinntektene er meir enn dobla samanlikna med 1. kvartal i fjor.

Ein salgevinst på 209 millionar kroner gjer at selskapet har gått frå minus til solid overskot i kvartalet. I 4. kvartal i fjor hadde reiarlaget ein negativ rekneskapsmessig av salet av Havila Phoenix, som blei reversert i 1. kvartal.

Før tala kom låg Havila Shipping an til eit lite kursfall samanlikna med sluttkurs i går, men kvartalsrapporten gav kursen eit lite løft.

Klokka 15:48 var kursen opp 2,19 prosent samanlikna med i går. Ein aksjehandel der 35 aksjar vart omsett heilt på tampen av dagen gjorde at kursen enda på 15,42 kroner, ned 0,52 prosent frå i går.

Dei 17 skipa som Havila Shipping driv har vore i drift 88 prosent av tida i 1. kvartal. Marknaden har vore betre enn i første kvartal for alle fartøya, skriv selskapet i kvartalsrapporten.

Les børsmelding her

Salmon Evolution lag og fram 1. kvartal-rapport i dag tidleg. Kursen steig 0,85 prosent samanlikna med i går.

Artikkelen er oppdatert, mellom anna med tabell over kursutviklinga til børsnoterte selskap på Nordvestlandet