Børsdagen: Segla inn meir pengar med færre skip

Sjå børstabell for Nordvestlandet under

Havila Shipping leverte onsdag ettermiddag sin rapport for andre kvartal i år.

Den viser at reiarlaget frå Herøy hadde høgare frakteinntekter frå flåten, samanlikna med både første kvartal og same kvartal i fjor – trass i at dei hadde ein båt mindre.

Les børsmelding (ekstern lenke)

Får betre betalt
Havila Shipping seglar no med 17 fartøy og eig sjølv 11 av desse, etter at Havila Phoenix blei overlevert til ny eigar i januar i år.

Betre ratar i spotmarknaden for både ankerhandteringsskip og forsyningsskip har bidrege til å auke inntektene, i tillegg til høgare inntekter frå inngåtte kontraktar, opplyser selskapet i rapporten.

Etter inntekter på 205 millionar, enda kvartalet med eit driftsresultat på 62 millionar. Resultat før skatt enda på 5,4 millionar kroner i minus (sjå tabell under).

Børsverdien halvert i år
Medan Havila Shipping skreiv opp skipsverdiane i første kvartal, er det ikkje gjort endringar i andre kvartal. Reiarlaget hadde 359 tilsette sjøfolk og 15 tilsette på land ved utgangen av andre kvartalet.

Rapporten ble sendt ut kring stengetid for børsen og gjorde at det knapt var nokon reaksjon frå investorane.

Havila Shipping-aksjen enda opp 0,83 prosent til 9,68 kroner. Aksjeverdien for reiarlaget på Oslo børs er om lag halvert sidan årsskiftet.

Nedtur for Hav Group
Hav Group leverte også sine kvartalstal onsdag morgon. Dei viste eit stort pluss i perioden, men utsikter til mindre marginar resten av året. Etterpå sende investorane aksjen ned med 1,98 prosent til 9,90 kroner.

Hovudindeksen på Oslo børs stengte onsdag opp 0,39 prosent til 1 252,12 poeng.

Sjå børstabell for Nordvestlandet under

Børstabell for Nordvestlandet: