Børsdagen: Solstad aukar i Brasil

Børstabell for Nordvestlandet

Hofseth Biocare vart dagens vinnar av dei børsnoterte selskapa frå Nordvestlandet tysdag. Selskapet fekk ein sluttkurs på 2,20 kroner, eit nivå den var på også i mai.

Dagens tapar var Atlantic Sapphire, som held stø kurs vidare ned med eit fall på nye ni prosent til 5,07 kroner. Det er den siste av ein rad botnnoteringar for selskapet som har fått nye problem med sin landbaserte oppdrett.

Solstad Offshore er eit selskap mange i regionen framleis held eit auge med. Reiarlaget sine selskap la fram ein kvartalsrapport der toppsjef Lars Peder Solstad peike på ei rekke nye kontraktar som er vunne den siste tida.

Mellom anna har Solstad sikra seg fleire oppdrag i Brasil som gjer at den søramerikanske marknaden no er blitt den regionen med største aktivitet. 15 av dei 33 skipa til reiarlaget er på jobb i regionen.

Etter restruktureringa består reiarlaget no av Solstad Offshore og Solstad Maritime, som har felles leiing og flåte – men ulike eigarar.

Med fleire nye kontraktar på plass, bokførte selskapa ein samla ordreinngang på kring 6,7 milliardar kroner, ifølgje kvartalsrapporten.

Trass optimistiske tonar om framtida frå reiarlaget, sendte investorane aksjen ned i løpet av dagen. Sluttkursen på 40,10 kroner er framleis over nivået aksjen hadde i førre veke.

Hovudindeksen på Oslo børs sank tysdag med 0,15 prosent til 1425,29 poeng. Då børsen stengte hadde også oljeprisen hatt eit betydeleg fall på kring ein prosent i løpet av dagen.

Børstabell for Nordvestlandet: