Børsdagen: Solstad-finansiering på plass...

Offshorereiarlaget Solstad Offshore har gjennomført refinansieringa som selskapet melde om, i oktober i fjor, skriv selskapet i ei børsmelding.

Refinansiering har fleire element, mellom anna at storparten av flåten blir flytta inn eit nytt selskap og at Aker-systemet aukar sin eigarandel.

Refinansieringsforslaget utløyste ein strid mellom Aker-systemet med Kjell Inge Røkke i spissen og investor Christen Sveaas og hans investeringsselskap Kistefoss.

Sveaas meiner refinansieringa er ei overføring av verdiar til Aker fraå dei øvrige aksjonærane og at andre aksjonærar også burde fått sjansen til å delta og oppretthalde sin eigarandel.

Den striden er ikkje over med tysdagens melding.

Solstad Offshore-sjef Lars Peder Solstad seier til Dagens Næringsliv at dialogen mellom aksjonærane held fram.

"Det er avtalt nye møte fremover. Dialogen fortsetter. Så var det viktig å få på plass finansieringen per i dag, som er i henhold til fremdriften vi tidligere har skissert. Vi legger opp til en fortsatt konstruktiv dialog fra vår side. Det er ingenting med dagens gjennomføring som står i veien for det", seier Solstad til avisa.

Artikkelen eroppdatert med aksjekursar for børsnoterte selskap på Nordvestlandet, etter at børshandelen var over i ettermiddag.