Sjå børstabell for Nordvestlandet under saka
Sparebankstiftinga Søre Sunnmøre vil selje inntil 2,5 millionar eigenkapitalbevis i Sparebank 1 SMN, ifølgje ei melding etter børsen stengte tysdag.
Tysdag var kursen på eigenkapitalbevisa på knappe 167 kroner - «all time high» - og verdiane kan dermed utgjere kring 417 millionar kroner.
Sparebankstiftinga er største eigar i banken og volumet som blir vurdert selt, er på 1,73 prosent av alle eigenkapitalbevisa.
Stiftinga vil framleis ha kring 10,5 millionar eigenkapitalbevis att etter eit sal.
Arctic Securities AS og SpareBank 1 Markets er engasjert for å legge til rette for salet som vil skje gjennom ein bookbuilding-prosess.
Prosessen blir avslutta seinast onsdag morgon klokka 8, og resultatet er venta å bli annonsert innan ein time etterpå, ifølgje meldinga.
Børstabell for Nordvestlandet:
| Selskap | Kurs i kroner | %-Endring i dag |
| Arctic Bioscience | kr 2,50 | 17,92 % |
| Hexagon Composites | kr 47,30 | 2,49 % |
| Sparebanken Møre | kr 91,98 | 2,20 % |
| Havila Kystruten | kr 0,57 | 1,79 % |
| Salmon Evolution | kr 6,98 | 1,75 % |
| Havila Shipping | kr 2,56 | 0,99 % |
| Norva 24 Group* | kr 31,40 | 0,80 % |
| Hofseth Biocare | kr 1,43 | 0,70 % |
| Atlantic Sapphire | kr 0,08 | 0,63 % |
| Endúr | kr 59,00 | 0,51 % |
| Hav Group | kr 8,50 | 0,47 % |
| Romsdal Sparebank | kr 123.40 | 0,00 % |
| Golden Energy Offshore Services | kr 25,80 | -0,39 % |
| Hexagon Purus | kr 5,37 | -10,20 % |
| * Kurs i SEK | ||
Publisert: 12.11.2024 17:16
Sist oppdatert: 12.11.2024 18:52
