Børsdagen: Statt Torsk kryp oppover att

Saka blir oppdatert med etter stengetid

Onsdag ettermiddag låg Statt Torsk-aksjen an til å bli børsvinnaren frå Nordvestlandet med ein oppgang på nær sju prosent. Rett før stengetid fall aksjen litt tilbake og enda på 0,43 kroner.

Oppdrettsselskapet har vore børstaparen frå regionen dei tre siste dagane.

Trass fleire dårlege nyheiter dei siste vekene, har investorane truleg håp om ei god løysing for selskapet sin dialog med Vesterålens Havbruk om å inngå ein allianse. Torsdag førre veke - dagen etter meldinga om ein intensjonsavtale med Vesterålen Havbruk, steig aksjen meir enn 100 prosent til 0,57 kroner.

Avtalen med Vesterålens Havbruk verdsett Statt Torsk til 255 millionar, langt over marknadsverdien ut frå dagens aksjekurs på 93 millionar kroner.

Dagens børsvinnar frå regionen vart i staden Golden Energy Offshore-reiarlaget - som steig til 1,18 kroner. Offshorereiarlaget ser optimistisk på framtida, etter å ha sikra seg fem nye skip i flåten. Reiarlaget starta også veke med å melde om ei forlenga kontrakt til høgare rater.

Hovudindeksen på Oslo børs enda med ein nedgang på 0,64 prosent til 1 229,09.

Børstabell for Nordvestlandet: