Dobbeldåp for FSV Group

Batteripakken ombord skal rekke for ein typisk arbeidsdag på 12 timar for servicebåtane Multi Enovation og Multi Electric, ifølgje dagleg leiar Arild Aasmyr i FSV Group.

Molde-reiarlaget, som har spesialisert seg på servicebåtar for oppdrettsnæringa, fekk overlevert dei to fartøya frå Sletta Verft tidlegare i år.

Dåpen i Trondheim tysdag, i samband med oppdrettsteknologimessa Aqua Nor, markerte FSV Group si satsing på heilelektrisk drift.

Å erstatte diesel med batteri sparer CO2-utslepp per fartøy tilsvarande det 215 privatbilar med gjennomsnittleg 15.000 kilometer køyrelengde slepp ut årleg i følgje Aasmyr.

FSV har fått Enova-støtte til investeringa. Utan den ville det blitt for dyrt samanlikne med å bygge eit fartøy som går på diesel, ifølgje Aasmyr, men reiarlaget reknar med reduserte drivstoff- og ikkje minst vedlikehaldskostnadar.