Dobla råvarelager skaffa nye kundar

I ein normalsituasjon har Vartdal Plast-konsernet råvarer for ein månads produksjon. No har konsernet nok råvarer for to månadars produksjon.

Vartdal Plast-konsernet lagar byggisolasjon, fiskekasser og annan emballasje i ekspanderbar polystyren, eit plastmateriale som kombinerer låg vekt og god isolasjonsevne.

Då polystyrenprisane kraup oppover i slutten av 2020 var vurderinga at bransjen kunne vere på veg inn ein råvaremangel, seier dagleg leiar og medeigar Jan Endre Vartdal i Vartdal Plast-konsernet.

Nye kundar
Den vurderinga gjorde at selskapet starta å kjøpte inn meir råvarer ved årsskiftet 2020/2021, og har halde seg med dobbelt så stort råvarelager som i ein normalsituasjon i heile år.

Resultatet er at Vartdal Plast-konsernet har kunne levere gjennom heile 2021, og fått nye kundar medan andre i bransjen har slite med at det er knapt om råvarer. Veksten har først og fremst kome i byggisolasjonsmarknaden, som står for omlag 60 prosent av driftsinntektene.

Konsernet har også drahjelp av at kundane etterspør produkt basert på resirkulert materiale, ifølgje Vartdal.

Alle anlegga i konsernet produserer no nær døgnet rundt.

Auka prisar
Jan Endre Vartdal anslår av salet mål i volum, vil auke omlag 20 prosent i år. Høgare råvareprisar har gjort at også Vartdal Plast har auka prisane slik at salsauken mål i kroner i 2021 mot 2020 vil bli omlag 45 prosent, anslår han.

I år vil lønsemda blir på line med 2020. Marginane er strammare, men selskapet har ein gevinst av at fabrikkane har nær full kapasitetsutnytting.

Råvareprisane er framleis høge.

- Den held seg merkverdig lenge, seier Vartdal om prisauken.

Framover ventar han imidlertid at råvareproduksjonen stig og prisane fell - og då vil også prisane på Vartdal Plast sine produkt gå ned.

Familiselskap
Vartdal Plast er eigda av søskena Jan Endre, Sindre og Ingvild Vartdal. Brørne arbeider i selskapet, Adviso-advokat og grunnleggar Ingvild Vartdal er styreleiar.

Hovudkontoret er på Vartdal, der det og er fabrikk.

Konsernet har og anlegg i Ualand, Hjelmeland, Biri og Bodø.

I fjor sysselsette konsernet 60 årsverk.