Elektrisk opptur

Møre Trafo er Skandinavias største produsent av transformatorar og nettstasjonar. Auka bruk av elektrisitet som driv driftsinntektene oppover og i år ventar selskapet omlag 600 millionar kroner i driftsinntekter, skriv styreleiar og medeigar Tor Rieve Kristiansen i ei pressemelding.

600 milllionar tilsvarar ein vekst på over 25 prosent frå i fjor, og 2022 blir det femte åre på rad med vekst for Møre Trafo. I 2017 var driftsinntektene 329 millionar kroner.

Då 2021-reknskapen for selskapet kom tidlegare i haust hadde Møre Trafo 160 tilsette i Sykkylven og var på jakt etter fleire. Rekrutteringa er ikkje over, og selskapet skal tilsette fleire folk framover, ifølgje pressemeldinga.

Ny toppsjef
Leif Leira, som er Møre Trafo-sjef i dag, skal pensjonere seg våren 2023.

Ny toppsjef er Runar Tandstad, som kjem frå stillinga som sjef for Divisjon nettforvaltar i Møre Nett.

- I tillegg til sin solide faglege kompetanse og innsikt i bransjen Møre Trafo er ein del av, har
Runar de leiareigenskapen vi er opptatt av for å utvikle selskapet videre. Ekstra hyggeleg er det også
at det er ein toppleder med lokal forankring, sier Rieve Kristiansen i pressemeldinga.