Fagervoll aukar i Golden Energy

Administrerande direktør Per Ivar Fagervoll går inn med 2,4 millionar kroner i den retta kapitalutvidinga i det børsnoterte offshorereiarlaget Golden Energy Offshore Services.

Selskapet i Ålesund henta til saman 7,5 millionar kroner i nye eigenkapital i kapitalutvidinga. Dei to andre aksjonærane i kapitalutvidinga er Golden Energy Offshore og Golden Energy Offshore Management - med Kyprosregistrerte Sakashita Co som stor aksjonær.

Les børsmelding her

Alle skip i arbeid
Golden Energy Offshore Services melde tidlegare denne veka at det siste skipet som er i opplag no har fått oppdrag etter 16 månadar utan arbeid.

Dermed er alle fire skipa til reiarlaget i arbeid.

Fram til 4. kvartal i år er utnyttingsgraden for dei fire fartøya tilsaman på 90 prosent.

Opp på børsen i år
Den siste kapitalutvidinga til selskapet er gjort til 1,36 kroner per aksje.

I dag er aksjane handla til 1,38 klokka 10:34. Den kursen verdset selskapet til 63 millionar kroner.

Fram til slutten av februar låg aksjekursen i Golden Energy Offshore Services stort sett under ei krone aksjen. Frå 0,75 kroner aksjen 25. februar steig kursen til to kroner aksjen 3. mars. Ved børsslutt i går, 17. mars, var kursen 1,40 kroner.