Volt harvest I foto Volt Services 11
VENTAR MED DÅP: Dei vitale måla for den nyaste båten er 28,7 x 10,2 meter. Namnet blir Volt Harvest I, men reiarlaget ventar med å døype både denne og Volt Harvest II.
Nytt

Fekk ny båt frå Fitjar

Mykje av utstyret i dei nye bløggebåtane til Herøy-reiarlaget kjem frå Nordvestlandet.

Marius Rosbach
06.01.2022

Volt Service i Herøy fekk onsdag overlevert sin fjerde bløggebåt frå Fitjar Mekaniske Verkstad. Båten er den andre som er bygd ved verftet sør for Bergen.

Den nye båten får namnet Volt Harvest I, og før jul fekk dei levert den noko større Volt Harvest II frå same verft.

Fleire lokale leverandørar
Bløggerobotane om bord er levert av Optimar på Valderøya, kjøleanlegg frå Frionordica i Malmefjorden og gir og propellar frå Finnøy Gear & Propeller.

Målinga kjem frå Westing i Herøy og innreiinga er det R&M Ship Interior i Molde som har stått for. Hovudmaskineri er frå Nogva Motorfabrikk.

Planar om fleire båtar
Volt Service blei starta hausten 2016 og var starten på oppdrettsatsinga til Remøy Management-gruppa i Herøy.

Reiarlaget har også planar om fleire båtar og dagleg leiar Even Remøy i Volt Service har tidlegare opplyst at dei håpar å inviterte til konkurranse om å bygge ein ny båt tidleg i år.

Før jul selde selskapet Volt Processor, men ventar levering av to nye båtar i løpet av året. Då vil Herøy-selskapet ha seks fartøy i drift.

Publisert: 06.01.2022 16:21

Sist oppdatert: 06.01.2022 22:45

Mer om