Fekk godkjend legemiddelstudie

Arctic Bioscience har fått godkjent søknaden om ein såkalla CTA (Clinical Trial Application) av britiske styresmakter, opplyser Ørsta-selskapet i ei børsmelding torsdag.

Selskapet påpeiker at dette er ein viktig milepåle i arbeidet deira med å utvikle eit legemiddel mot psoriasis.

Det dreiar seg om eit såkalla fase tre-studie av eit silderognbasert middel mot hudsjukdomen.

Programmet er ein større medisinsk test der forsøkspersonane bur i fem ulike land. Arctic Bioscience er no i ferd med å sette opp testplassar rundt i Storbritannia, og dei første pasientane er venta å starte opp no i januar.

Tidlegare medisinske testar i Noreg har vist positive resultat, men middelet må gjennom ein større og internasjonal test på vegen fram mot å bli godkjent som legemiddel.