Fekk kjempeavtale med Solstad

Solstad Offshore opplyser i ei børsmelding tysdag at selskapet har seld sju offshoreskip for resirkulering. Dette er skipa Sea Tiger, Normand Atlantic, Normand Borg, Normand Neptun, Sea Pollock, Far Strider and Far Sovereign.

Alle skipa er tidlegare definerte av Solstad som ikkje-strategiske skip ettersom dei er eldre og lite attraktive i dagens og den framtidige marknaden.

Samtlege sju skip skal resirkulerast ved dei to verfta.

Skipa skal kome til verfta i løpet av kort tid.

(saka held fram under)

- Historisk
Berekraftsdirektør Tor Inge Dale i Solstad Offshore seier i børsmeldinga at dei sju skipa har lege i opplag i lengre tid, og at det er bra at selskapet no kan starte prosessen med å resirkulere ei rekke eldre skip.

- Dette vil gjere oss i stand til å auke fokuset på oppgraderingar og utsleppsreduksjonar av den moderne delen av flåten.

Konsernsjef Hans Jørgen Fedog ved Green Yard seier at dette er ei historisk hending når det gjeld miljøvenleg resirkulering av skip i Norge.

Han viser til at kontraktane sikrar jobbar ved dei to resirkuleringsverfta ut neste år.