Fem vidare i Næringsteft

Under Sparebanken Møre sin investorkonferansen Børs og Bacalao torsdag skal fem deltakarar presentere seg frå scenen, før vinnaren av Næringsteft-arrangementet 2021/2022 blir kåra.

Næringsteft er både eit opplæringsarrangement og ein konkurranse mellom gründerer og idemakarar. Vinnaren får ein million kroner i premie som hjelp på vegen mot å etablere ei levedyktig bedrift.

Tysdag blei fem av dei 15 semifinalistane som går vidare plukka ut.

Dette er finalistane:

Lillian Bigton Nygård i Sula med Syportalen Lillifix, eit selskap som driv nettbasert opplæring i sying.

Hanne Suorza i Sykkylven med selskapet Mestre. Mestre skal gjere det lettare å leve med helseplager og belastningar i livet, ved å gjere lett tilgjengleg kunnskapen om korleis plagene og belastningane kan mestrast.

Andreas Holmström, Andrea Langva, David Brohede, Torstein Vik i Ålesund med Motivic Labs. Motivic Labs kombinerer kunstig intelligens i dataskapt virtuelt landskap for å lære brukarane matematikk.

Roger Gjersvik på Averøy med selskapet Roge, som har patentert ein industrimansjett som service- og vedlikeholdsoperasjoner enklare og meir effektive. Slik mansjettar blir brukt for å verne maskiner og utstyr mot støv og smuss medan dei blir brukt i produksjonen.

Håvard Bjerkelund og Tord Eirik Bøe frå Frei med selskapet Thac. Thac brukar resirkulert materiale i produksjon av ammunisjon.