Forskingsstøtte til Firmenich

Ellingsøy-bedrifta får støtte til forsking på protein som kan tilsetjast mat for mellom anna å auke muskelvekst.
Firmenich Bjørge Biomarin er ein del av Legasea, klyngeorganisasjonen for dei biomarine bedriftene som har sitt tyngdepunkt på Nordvestlandet.
Selskapet har nettopp bygt ei ny produksjonslinje for marine peptider i fabrikken på Ellingsøya, og vil følge opp med ein stor og langvarig forskningsinnsats for å finne og dokumentere helseeffektene av peptider. Petider er bestanddelar i fiskeprotein.

181 bedrifter søkte

Firmenich Bjørge Biomarine er ei av tre bedrifter frå Møre og Romsdal som får støtte. Dei to andre er Glamox i Molde og Plasto på Åndalsnes.
Frå Sogn og Fjordane var det ingen som fekk støtte.
– Heile 50 bedrifter av i alt 181 som søkte oss får støtte til sine prosjekt gjennom Forskningsrådets BIA-program.
- Vi mottok 33 prosent fleire søknadar i år. Det viser ei auka vilje i næringslivet til å bruke forsking for å skape innovasjon. Dette er viktig og nødvendig for at vi skal hevde oss innan næringar som blir meir og meir kunnskapsbaserte, seier Arvid Hallén, administrerande direktør i Forskningsrådet, i ei .

532 millionar

Totalt har Norges forskingsråd fordelt 532 millionar kroner på dei 50 forskingsprosjekta i bedrifter.
– Prosjekta vil kunne gi nye produkt og tenester, seier næringsminister Monica Mæland.
Av dei som får støtte er Dyreparken i Kristiansand, Gyldendal forlag og produsentar av «skreddarsydde» vindauge.

- Forsking til butikk

Målet er å gjere meir forsking om til butikk, heiter det i ei frå Nærings- og Fiskeridepartementet.
– Dette er prosjekt som vil kunne gi nye produkt og tenester i nytt næringsliv, og omstilling og fornying i det etablerte, uttaler næringsminister Monica Mæland (H).
Midlane kjem frå Brukerstyrt Innovasjonsarena (BIA), som er det største programmet for næringslivet som Forskingsrådet har.