Får dårlegare betalt enn venta

Reiarlaget Golden Energy Offshore Services har sikra arbeid til PSV-en Golden Swan ut året, ifølgje ei oppdatering frå selskapet.

Oppdraget er for ein internasjonal aktør som vil nytte skipet i 100 dagar frå september. Dei har også opsjon på å nytte skipet vidare i 60 dagar.

Nyheita fekk investorane til å sende aksjen opp på Oslo børs då handelen starta torsdag. Ved 10-30-tida var aksjekursen opp 3,3 prosent til 31,30 kroner - før den sank litt tilbake.

Dårlegare betaling enn venta
I oppdateringa går vidare det fram at reiarlaget opplever dårlegare dag-ratar enn venta i sommarsesongen.

Reiarlaget hadde i snitt inntekt på 26.850 amerikanske dollar dagen – eller om lag tre millionar kroner – på skipa sine i juni.

Aktiviteten i det som tradisjonelt er lågsesong i bransjen, har vore låg med stor tilgang på skip i marknaden.

Høgare flåteutnytting
Ålesund-reiarlaget har no sju skip i flåten etter at dei fekk inn fleire nye skip i løpet av fjoråret.

I juni har Golden Energy-reiarlaget har hatt god utnytting av skipa, som har vore i arbeid 94,8 prosent av tida, ifølgje meldinga.

Det er betydeleg høgare enn i første kvartal, då reiarlaget hadde ein utnyttingsgrad på 82 prosent.

Førebur notering på hovudlista
Reiarlaget førebur notering på hovudlista ved Oslo børs i løpet av sommaren.

Før sommaren fortalde dagleg leiar Per Ivar Fagervoll at dei hadde som mål å vere på hovudlista innan utgangen av juni. Det målet vart ikkje nådd.

Generelt vil ei notering på hovudlista bli oppfatta som eit kvalitetsstempel i investormarknaden. Det stiller mellom anna auka krav til rapportering og likviditet.