Helsekostlansering i USA i tredje kvartal

Børsnoterte Hofseth Biocare i Ålesund vidareforedlar olje, protein og kalsium som er basert på restråstoff og avskjær frå oppdrettsnæringa.

Dei siste åra har selskapet auka forsking og produktutvikling for å vinne større innpass i helsekost-marknaden og også farmasi-marknaden.

I år vil selskapet ta eit langt steg mot vekst og lønsemd, sa Roger Hofseth då 2020-tala var klare. Han er dagleg leiar og stor aksjonær.

I tredje kvartal i år skal Hofseth Biocare-baserte helsekostprodukt ut i USA marknaden under Garden of Life-varemerket.

Det Nestle-eigde selskapet Garden of Life signerte i 2019 ein intensjonsavtale med Hofseth Biocare om utvikle og distribuere helsekostprodukt i USA med ingrediensar frå Hofseth Biocare.

Avtalen ville gjere Hofseth Biocare til eit lønsamt selskap, sa Hofseth. Aksjekursen gjekk rett opp, og aksjekursen har halde seg høg sidan. Selskapet er i dag verdsett til 2,9 milliardar kroner på børsen.