Holst-Dyrnes ny Insula-topp

Den tidlegare toppsjefen i Havfisk og Ekornes er blitt leiar for fiskematsatsinga til Witzøe-familien.

Insula er ein av dei store fiskematprodusentane i Noreg, og har også anlegg i Sverige, Danmark, Finland og Island, med alt rundt 1100 tilsette. Selskapet har mellom anna produksjonsanlegg i Gjerdsvika i Sande kommune og har Lofoten som sitt mest kjente varemerke.

Ekornes byrja som investeringsdirektør i Witzøe-familiens selskap Kverva i fjor og har vore arbeidande styreleiar i Insula sidan i fjor haust. Han erstattar Sigvald Rist, som blir sjef for Insula si verksemd i Noreg.

Salmar-eigar
Witzøe-familien er største aksjonær i det børsnotert oppdrettselskapet Salmar, og har samla alle investeringane sine i Kverva-konsernet.

I tillegg til Salmaraksjane omfattar det utstyrleverandørar til oppdrettsnæringa under selskapet Scala Aqvaculture, aksjemajoriteten i fiskehelseanalyse-selskapet Patogen Holding i Ålesund, fiskematbedrifter under selskapet Insula og bedrifter som lagar fôringrediensar basert på restråsstoff for oppdrettsnæringa under Nutrimar.

I 2019 hadde konsernet 18,8 milliardar kroner i driftsinntekter.