Hurtigruten kjøper Richard With

I 2002 selde Hurtigruten MS Richard With for å få pengar i kassa. Etter salet blei skipet utleigd til Hurtigruten, som no kjøper skipet attende. Seljaren er eit selskap med blant andre Sævik-familien på eigarsida.
- De siste åra har Hurtigruten gått gjennom ei stor omstilling, som vi no for alvor byrjar å sjå resultata av. No har vi dei finansielle musklane vi treng, både for å eige skipet og gjøre dei oppgraderingane vi har gleda oss til, seier konsernsjef Daniel Skjeldam i Hurtigruten i ei pressemelding.
Hurtigruten kjøper MS Richard With gjennom sitt heleigde datterselskap Coastal 1 AS.

375 millionar

I løpet av 2018 skal MS Richard With i dokk, der skipet skal gjennom ei total ombygging og oppgradering. Blant annet skal alle lugarane og fellesområdene oppgradast, og skipet vil få langt fleire suitar enn i dag.
Kjøparen i 2002 var eit kommandittselskap med blant andre Per Sævik på eigarsida. Den gong var prisen 375 millionar kroner, i følgje avisa Nordlys. Sævik-familien har vore medeigar heilt fram til salet no.
Seljaren no er kommandittselskapet Kystruten, som er eigd av aksjeselskapet Kystruten, der Sævikfamiliens selskap Havila Holding eig direkte 10 prosent og er medeigar i ytterlegare fem prosent gjennom KS Artus.

Kan bli eitt kjøp til

Etter det NETT NO erfarer arbeider Hurtigruten også med å kjøpe attende Richard Withs søsterskip "Nordlys".
Nordlys blei seld til det bergenske selskapet Kirberg Shipping i 2003. Odfjell Shipping er største eigar i Kirberg Shipping.
Artikkelen blir oppdatert