Ikkje heilt framand for nettavis

- Ei rein nettavis har så langt ikkje vore aktuelt, men det blir likevel fortløpande vurdert.
Vestlandsnytt, lokalavisa for Herøy og Sande, er no på nett etter 82 år.
Les her:
Saman med Sykkylsvbladet, har Vestlandsnytt vore av dei siste lokalavisene i Norge utan nettsatsing.

Distribusjonsproblem

No vert dette også vurdert av Frank Kjøde, som er redaktør og hovudaksjonær i utgjevarselskapet Sykkylven Media.
Men Kjøde er meir uroleg for det dårlegare distribusjonstilbodet.
Han viser til at omlegginga gjer at mange ikkje får avisa til rett tid, spesielt abonnentar utanfor fylket.
- Difor vurderer vi å innføre e-avis, seier Kjøde.

"Naturleg" tilbakegang

Trass utfordringane med distribusjonen, seier han at opplagstala for avisa er nokså stabile.
- Vi har ikkje fått endeleg klarlagt opplagstala, men vi går nok tilbake 70-80.
Han viser til at lokalavisene sine abonnentar ofte er av den eldre garde, og at dødsfall medverkar til at fleire aviser får ein «naturleg» tilbakegang.
- Eg trur ikkje at det er så lett å rekruttere nye og yngre lesarar som abonnentar, sjølv om mange aviser satsar på redaksjonelt stoff for både barn og unge, seier Kjøde.