Inntekta ned og lønsemda opp

Prisen Sogn og Fjordane Energi (SFE) fekk for krafta si var 56 prosent lågare i første halvår i år enn i første halvår i fjor. Men samstundes auka selskapet kraftproduksjon med 56 prosent og enda med neste like store inntekter frå kraftproduksjon som i første halvår 2023.

I tillegg fekk selskapet redusert grunnrenteskatten med 24 millionar kroner, og fekk auka overskotet i første halvår samanlikna med i fjor. (sjå tabell).

Utbetringar i fjor
Fulle vassmagasin ved starten av året og godt tilsig gjennom vinteren sikra ein høg kraftproduksjon i første halvår. I første halvår i fjor var produksjonen dessutan redusert på grunn av rehabilitering av fleire store kraftverk skriv selskapet i i halvårsrapporten for 2025.

I lys av utviklinga i kraftprisen var timinga av dei store rehabiliteringane god.

Trass låge prisforventinger for resten av året reknar SFE med å ende med eit resultat etter skatt for heile 2025 omlag på line med 2024. Då var resultatet etter skat 257 millionar kroner.

Tre eigarar
SFE har fleire eigarar; Sogn og Fjordane Holding (49,5 prosent). Eviny-tidlegare BKK (36,8 prosent) og seks kommunar i Nordfjord og Sunnfjord (13,7 prosent).

Eviny har ønskt ei samanslåing, men fekk ikke resten av eigarane med på det. Trass i at Eviny har gitt klare signal om at alternativet til samanslåing var at Eviny gikk ut av selskapet har det per i dag ikkje skjedd noko endringar på eigarsida.