Interesse for Selje-hotell

- Det er kontakt og det blir arbeidd med prosjektet, seier Heggen.
I følgje Heggen er det samtalar med ei aktive gruppering som vurderer å gjenreise hotell på branntomta til Selje Hotell.
Det er også ei anna gruppering som har vist interesse, men som no er passiv i prosessen. Heggen vil ikkje oppgi kven som står bak dei ulike grupperingane.

Eigar tente på

Ein av dei svensk-tyrkiske eigarane har tilstått og er dømt i tingretten for å ha tent på hotellet hausten 2016.
Verksemda har gått med underskot i fleire år, også før eigarane ved konkursen tok over i 2014.

Hotellselskapet blei slått konkurs i mai 2017.

Sa nei takk

Brannen i Selje har mellom medverka til at Ervik Havfiske har satsa på hotelletablering i Leikanger på Stadlandet.

Konkurransen frå nye hotell i Måløy og på Stadlandet fekk i fjor Ståle Åhjem til å legge sine hotellplanar i Selje på is.
Gjennom sitt heileigde selskap Eltvik & Åhjem Eftf kjøpte Åhjem sommaren 2017 Frimannsbuda i Selje sentrum, ein av eigedomane til hotellselskapet i Selje. Han sa til NETT NO at han og partnarane rekna med at det ville kreve ei investering på 140 millionar kroner og bygge opp eit nytt hotell i Selje.